Question 1

Hver er tilgangur vefsins? Sala, þjónusta, vörumerkjaímynd eða upplýsingar?

Accepted Answer

Það er nauðsynlegt að skilgreina tilgang vefsins sem er hannaður, hvaða eiginleikar skipta máli og hvernig árangur er mældur. Byrja þarf á að skilgreina hverju á að ná fram, allar ákvarðanir seinna meir byggjast á því.

Question 2

Eigum við að endurhanna, byggja upp á nýtt eða þróa núverandi vef áfram?

Accepted Answer

Það fer eftir stöðu vefsins og hverju á að ná fram. Í vefúttekt met ég stöðu vefsins, upplifun, efni, öryggi, tæknilega heilsu, árangursmælingar ofl. Næsta skref er síðan tekið út frá hver niðurstaða úttektar er.

Question 3

Við vitum að það þarf að vinna í vefnum, en hvað þarf að gera og hvað er mikilvægast?

Accepted Answer

Margir flaska á því að forgangsraða ekki rétt eða vita ekki hvar eigi að byrja. Skýr forgangsröð sem byggir á ýmsu t.d. ofangreindri úttekt, markmið fyrirtækisins og vegferð, kostnaði, tímaramma og fleira leiðir til þess að hægt er að tryggja að fólk og fjármunir fari á rétta staði. Sem dæmi: hvað þarf að gera til að vefurinn nái betri árangri í: sölu, þjónustu, ímynd? Og hvernig samræmist það markmiðum fyrirtækisins?

Question 4

Hvað kostar þetta, bæði stofnkostnaður og rekstur?

Accepted Answer

Kostnaður er byggður á umfangi, flækjustigi og hvaða kerfi er valið. Hægt er að áætla kostnað sem nær yfir þau atriði t.d. sem kemur út úr úttekt sem nefnd er í spurningu 2.

Question 5

Þurfum við vefstjóra innanhúss, vefstofu eða hvort tveggja?

Accepted Answer

Þarf að uppfæra vefinn oft? Er þekking innanhúss á vefnum og er hægt að forgangsraða tíma fólks í vefinn? Hvert er mikilvægi vefsins í rekstri fyrirtækisins? Þetta eru spurningar sem þarf að svara áður en ákveða á að ráða innanhúss, nota vefstofu eða blandaða nálgun.

Question 6

Hvaða vefkerfi eigum við að velja?

Accepted Answer

Það fer eftir þörfum, fjármunum og hæfni innanhúss til að viðhalda vefnum. Hvert kerfi hefur sína styrkleika og galla. Mikilvægt er að velja kerfi sem hentar umfangi, óskum og getu teymisins sem viðheldur því.

Question 7

Hvernig bætum við sýnileika í leitarvélum (SEO) og gervigreindarleit (GEO)?

Accepted Answer

Sýnileiki í leitarvélum  (SEO) byggist m.a. á tækni, gæði efnisins og tilvísunum annarra á vefinn. (GEO), leit í gervigreindarmótulum, krefst aukinnar áherslu á samhengi í efnisgerð og samantektarmyndun (summerizabilitity) þ.e. hversu auðvelt er fyrir gervigreindarlíkan að taka efnið þitt og þjappa því saman í skýrt, nákvæmt svar án þess að merkingin brenglist eða týnist. Einnig þarf að huga að tæknilegr uppbyggingu sem gervigreind getur skilgreint.

Question 8

Hvernig mælum við árangur?

Accepted Answer

Árangur er ekki mældur í stökum tölum eins og heimsóknum eða „líkar við" heldur í KPI-um sem eru beintengd viðskiptamarkmiðum. Punkturinn er að hver mæling verður að svara spurningunni „hefur þetta áhrif á reksturinn?", ekki bara „er einhver að sjá efnið mitt?"

Til að ná því þarf að setja upp mælingar sem fylgja notandanum eftir allri ferðinni, ekki bara á fyrsta eða síðasta snertipunkti, svokölluð markaðstrekt (marketing funnel):

Vitundarstig, hvaðan kemur umferðin (leit, samfélagsmiðlar, tilvísanir, beinar heimsóknir) og hver er kostnaður á bak við hverja heimsókn.
Íhugunarstig, hegðun sem sýnir alvöru áhuga: tími á síðu, skoðun á verði/þjónustu, niðurhal, skráning á póstlista.
Ákvörðunarstig, smellir á „hafa samband", útfylltar eyðublöð, símtöl, tilboðsbeiðnir.
Kaup/lokun, raunveruleg viðskipti, og helst tengd aftur til upprunalegu heimsóknarinnar.

Þegar þetta er sett upp rétt (t.d. með markmiðum og trektum í GA4, eða CRM-tengingu ef sölulotan er lengri en einn heimsókn) sést ekki bara að eitthvað virkar, heldur hvaða samskiptaleið, herferð eða efni raunverolega skilar viðskiptavinum, ekki bara umferð.

Question 9

Hver á vefinn innanhúss og hvernig forgangsröðum við óskum frá deildum?

Accepted Answer

Mikilvægt er hafa skýra stjórn á vefnum, skilgreina eiganda vefsins, verklag við forgangsröðun á efninu og þeim óskum sem berast innanhúss um breytingar. Ekki síður mikilvægara er hvernig kvartanir og ágreiningur innahúss er tæklaður. Það kemur í veg fyrir að vefurinn verði stefnulaus, sá frekasti ræður og allt hvort sem það er mikilvægt eða ekki fari forsíðuna með tilheyrandi hnignun vefsins.

Question 10

Hvað gerist ef vefstofan eða vefstjórinn hættir?

Accepted Answer

Mikilvægt er að tryggja að enginn sé ómissandi. Skýrt eignarhald á gögnum, aðgangur að kerfum og sterkt "handover" tryggir að engin einstaklingur eða aðili fari með þekkingu eða gögn út úr fyrirtækinu sem hverfa.

Algengar spurningar um vefverkefni